Psixoloq fikri: Bizdə daha çox kişilərin qadınlardan böyük olduğu nikahlar yayılıb. Ancaq istisna hallar da var. Bu zaman həmin cütlüyün evliliyi cəmiyyət tərəfindən birmənalı qarşılanmır. Və çox zaman qadın öz yaşını, ərindən böyük olduğunu gizlətmək məcburiyyətində qalır. ??gər yaş fərqi həddən artıq çox deyilsə, bu zaman narahatlığa heç bir əsas yoxdur.Əslində, yalnız qadının kişidən böyük olmağı deyil, kişinin də qadından yaşca çox böyük olmağı düzgün deyil. Amma təbii ki, bu cür münasibətlərdə ən əsası odur ki, onların dünyagörüşləri, həyata baxışları, xasiyyətləri arasında uyğunluq olsun.
«Ünsiyyət hazırda iki cür qəbul edilir: real həyatda olan ünsiyyət və virtual ünsiyyət. Virtual aləm insanları real ünsiyyətdən uzaqlaşdıran əsas amillərdəndir. Bu tip insanlar real həyatlarında ünsiyyət qurmağa çətinlik çəkdikləri halda, virtual dünyada hər hansı bir ad altında, insanlarla asanlıqla dialoq qura bilirlər. Ona görə də təsadüfi deyil ki, psixoloji sıxıntıları, ünsiyyət problemləri olan insanlar daha çox virtual ünsiyyət yaratmağa üstünlük verirlər».
Psixoloq fikri: İnsanlar «intravet və ekstravet» adlanmaqla iki qrupa bölünür. İntravetlər özünə qapanan, çəkingən, qaraqabaq olurlar. Ekstravetlər isə onun əksinə, deyib-gülən, şən insanlardır. Ekstravet insanlar asanlıqla ünsiyyət qurmağı bacarırlar. İntravetlərdə isə bu məsələ həmişə problemə çevrilir. Ünsiyyət problemi ilə üz-üzə qalmaq xəstəlik əlaməti deyil. Bu hər bir insanın xarakterindən asılıdır və əsas səbəbi də insanın özünə qapalı olmasıdır. Ünsiyyət vərdişləri hələ uşaq yaşlarından ailədə formalaşmağa başlayır. Uşaq yaşlarından fikirlərinin ciddi qəbul olunmaması, onun dediklərinə əhəmiyyət verilməməsi kimi amillər böyüdükcə, həmin insanda özünə inamsızlıq və ciddi ünsiyyət çətinlikləri yaradır. Belə ki, o, həmişə fikirlərini söyləməyə ehtiyat edir. Həmçinin uşaq yaşlarında valideynləri ilə az təmasda olan, onların qayğısından məhrum olan insanlar da özünə qapanır və gələcəkdə bu, ünsiyyət problemi şəklində özünü göstərir. Bəzi ailələrdə isə valideynlər tez-tez mübahisə edir, savaşır. Bütün bunlar da uşağın gözləri qarşısında baş verir. Bu vəziyyət uşağın psixologiyasına təsir edir və onda özünə qapanmaq, çəkingənlik halları yaradır. Ona görə də uşaq yaşlarından bu problemin qarşısını almaq lazımdır.
Bəs siz ne fikirləşirsiz??? Şərhinizi mütləq bildirin !!!
